Сайт вес лаштыкыш кусна…

Чимарий тӱня!

«Чимарий тӱня» сайт ынде вес лаштыкыш кусна. Эрла гыч увер-влакым «Кидшер» kidsher.ru.

«Кидшер» — марий калыкын илыш корныжо, тӱвыраже, йӱлаже нерген кумданрак да келгынрак палдарыше сайт. Тиде сайтыште те кажне лаштыклаштыже шканда оҥай да кӱлешан уверым муын кертыда. 

View original post ещё 152 слова

Сайт вес лаштыкыш кусна…

«Чимарий тӱня» сайт ынде вес лаштыкыш кусна. Эрла гыч увер-влакым «Кидшер» kidsher.ru.

«Кидшер» — марий калыкын илыш корныжо, тӱвыраже, йӱлаже нерген кумданрак да келгынрак палдарыше сайт. Тиде сайтыште те кажне лаштыклаштыже шканда оҥай да кӱлешан уверым муын кертыда. 

Марий талешке кечылан пӧлеклалтше мероприятий-влак (2014 ий)

2014 ийыште Марий Талешке кечылан пӧлеклалтше могай мероприятий да кушто эртаралтеш? Тышке теат шке мероприятийдам ешарен кертыда. Мо тендан дене лиеш Талешке кечылан — палдарыза молымат!
1. 25 апрельыште 10 шагатлан Республикысе «Ший Талешке» фестиваль.
Эртарыме вер: Марий кугыжаныш университет (актовый зал, 1-ше №-ан тунемме корпус – пединститутын корпусшо: Йошкар-Ола, Кремлёвский урем, 44-ше пӧрт.
Организатор-влак: Республикысе марий тӱвыра рӱдер; тудлан полшат: Марий Эл тӱвыра, печать да калык-влакын пашашт шотышто министерстве, Туныктыш да шанче министерстве, Финн-угор университет-влакын студент да аспирант-влакыштын ассоциацийышт да Марий кугыжаныш университет.
2. 25 апрельыште 12 шагатлан «Тачысе кечын геройжо» теме дене ӱчашклуб .
Эртарыме вер: Марий кугыжаныш университет (актовый зал, 1ше №-ан тунемме корпус – пединститутын корпусшо: Йошкар-Ола, Кремлёвский урем, 44-ше пӧрт.
Организатор-влак: Республикысе марий тӱвыра рӱдер; Финн-угор университет-влакын студент да аспирант-влакыштын ассоциацийышт да Марий кугыжаныш университет, «ВийАр» мер ушем. 

«Изи мӧр пеледыш» Шернурышто лиеш…

Марий йоча изинек шочмо йылмым йӧратыже, пагалыже да марий шӱлыш дене илаш тунемже манын, кеҥежым «Изи мӧр пеледыш» лӱман йоча-влаклан пӧлеклалтше Пеледыш пайрем ынде кокымшо гана эртаралташ тӱҥалеш. Ты пайремым эртараш Ӱшнӱр школ вуйлатыше, Мер каҥашын еҥже, Галкин Валерий Федорович темлен. Икымше гана тыгай пайрем 2013 ийыште 7 июньышто Советский район Ӱшнӱр кыдалаш школышто эртаралтын.
Теве тиде ийынат фестиваль-конкурсым эртараш палемдыме. Пайрем республикынан тӱрлӧ школышто тунемше-влак коклаште вашкылым пеҥгыдемдаш, шочмо йылмым, тӱвырам, йӱлам йӧраташ, арален кодаш полшышаш.

«Мый марла ойлем» акций мо дене ойыртемалташ тӱҥалеш?

«Мый марла ойлем!» акций ынде куд ий почела (2008 ий гыч) шошым эртаралтеш. Акцийлан негызым В. Колумб лӱмеш рӱдер-тоштер пеленысе «ВийАр» самырык-влаклан ушем пыштен. Тиде ийынат «Мый марла ойлем!» акций лиеш. Тудо 29 апрельыште 17 шагатлан Йошкар-Оласе Царевококшайск Кремльыште эртаралташ тӱҥалеш. Ты гана акцийым Марий тӱүыра рӱдер, Тӱвыра, печать да калык паша шотышто министерстве окса полыш дене, «Чарласе Кремль» тӱвыра да историй комплекс, В. Колумб лӱмеш рӱдер-тоштер пеленысе «ВийАр» самырык-влаклан ушем, И. С. Палантай лӱмеш тӱвыра да сымыктыш колледж. Республикысе Самырык-влакын Правительствышт – калык-влак кокласе кылым вияҥдыме шотышто тӱшка, РФ-се Финн-угор университет-влакын студент ден аспирантыштын ассоциацийышт.
Акцийын тӱҥ шонымашыже: шочмо йылмым, тӱвырам арален да вияҥден шогаш.
Акций годым «Мый марла ойлем!» значок-влакым шаркалат. Тидын годымак тӱрлӧ мер пашам шуктат. 2013 ийыште калыкыште «Олаште илыше-влак марий йылмым могайрак кӱкшытыштӧ палат?» йодыштмашым эртареныт, чыла тидым видеош войзеныт. А тений чолга да самырык мер пашаеҥ-влак Йошкар-Оласе уремыште вывеске-влакын чын возымым ончат. 

Марий йылмым туныктышо-влак конкурсышко чумыргеныт…

Шочмо йылмына ава гай манына. Тудын лывыргылыкше, чаткалыкше дене кугешнена. Тудо мыланна вий-куатым пуа. Татар калык татарла кутыра гын, марий еҥлан молан марла пелештен колташ огыл. Самырык ача-ава шке икшывыж дене шочмо йылмыж дене ойлаш огеш тырше.
Кызыт илышна неле, тӧрсыр манын огына керт. Тунемашат чыла йӧн уло. Марий йылмымат. Шочмо йылмым туныктышына-влак кугу паша опытан да кӱкшӧ категориян улыт. Марий йылмына дене газет ден журнал-влак лектын шогат. Мутлан, кидыш кучен колтен шумо «Ончыко» журналым налаш. Тудын тиражше чылажат 1300 веле. Тынаржым олаште илыше марий интеллигент-влак налшаш улыт. Эн кугу поянлыкна—марий классикна-влакын произведенийышт. Самырык-влак нунын романыштым, ойлымашыштым огыл, лӱыштымат каласен огыт керт. Туге гынат, марий туныктышына-влак лым лийде, тӱрлӧ-тӱрлӧ туныктымо йӧным кычалыт, пашашкышт шыҥдарен шогат. 

Талешке кече лишемеш!

Вӱдшор тылзын латкудымшо кечынже Йошкар-Олаште Мер Каҥаш вуйверын погынымашыже эртен. Тушто кок тӱҥ йодышым онченыт: Талешке кечым ямдылымаш да эртарен колтымаш, Вуйвер пелен эксперт совет-влакым ыштымаш.
Икымше йодыш шотышто Республикысе марий тӱвыра рӱдерым вуйлатыше, Мер Каҥаш вуйверын еҥже Валерий Григорьев ойлен. Тудо Республикысе «Ший Талешке» фестиваль дене палдарен. Ты фестивальым Рӱдер 25 апрельыште Марий кугыжаныш университет пелен эртара. 

ОЛЫК ИПАЙ ЛӰМЕШ ПРЕМИЙ…

Марий Эл республикым вуйлатыше пеленысе сылнымутышто, тӱвыраште да сымыктышыште Олык Ипай лӱмеш кугыжаныш молодёжный премийым пуымо шотышто комиссий 2013-2014 ийлаште сылнымутышто, тӱвыраште да сымыктышыште Олык Ипай лӱмеш премийым налаш 15 май гыч документым погаш тӱҥалме нерген увертара.

Документым 15 сентябрь марте тӱвыра, печать да калык паша шотышто министерствыште (Йошкар Ола, Кремль урем, 41, 411-ше №-ан пӧрт) Ешартыш уверым министерствын сайтыштыжеhttp://mincult12.ru/ да 42-32-46 телефон дене рашемдаш лиеш. 

Поэт, туныктышо, фронтовик Василий Яковлевич Рожкинынлан пӧлеклалтше лудмаш-пайрем…

Пургыж тылзын коло кудымшо кечынже чапланыше марий поэт да РСФСР-ын сулло туныктышыжо Василий Яковлевич Рожкинын шочмыжлан шӱдӧ ий теме.
Василий Яковлевич Рожкин Советский район Кӱшыл Кадам ялыште шочын-кушкын. Шӱмжӧ1983-шо ий 9 май – Сеҥымаш кечын – кырымым чарнен. Лачшымак пургыж тылзын коло визымше кечынже Советский район Кадам тӱҥ школышто Василий Яковлевич Рожкинлан пӧлеклалтше лудмаш да шарнымаш кас эртаралтын. Мероприятий тӱҥалтышыште Кадам школышто марий йылмым да литературым туныктышо Зоя Александровна Беляева Василий Рожкин илыш-корныжым каласкалыш, тыгак поэт нерген «Патырлык корно. Василий Рожкин – поэт, салтак, туныктышо» у книга дене палдарыш. Василий Рожкинын шочмыжлан 100 ий темме лӱмеш тудым Гельсий Зайниев ямдылен. Каласен кодыман, Зоя Александровна тиде мероприятийым пеш чаплын ямдылен. Василий Яковлевич Рожкинлан пӧлеклалтше лудмаш конкурсышто Советский районын тунемше да туныктышо-влак сылне почеламутым йоҥгалтарышт. Палемдыман, ятыр почеламутым сар темылан лудыч. Йоча-влакын лудмышт чонышкак логале – илыш нерген шонаш таратыш. Конкурсышто тунемше-влак коклаште: Полушина Ксения, Сидорова Татьяна, Бирюков Евгений, Рябинина Оксана да Фоминых Елена почеламутым пеш сылнын лудыч. Туныктышо-влак коклаште: Иванова Надежда Дмитриевна, Ямтеева Вера Григорьевна да Беляева Зоя Александровна лудыч. 

«Кугарня» газет у вот лаштыкым темла.

Самырык-влаклан пӧлеклалтше «Кугарня» газет у вот лаштыкым темла. Марий увер-влакым ынде http://www.кугарня.рф сайтыште лудын кертыда. Тыгак кажне журналист дене палыме лийыда. Кажне материал йымак шке шонымашдам возен, йодышда-влакым серен кертыда. Тидын годымак, ушештарынем, «Кугарня» газетышке шке увердам колтынеда гын, серышым 424006, Марий Эл Республик, Йошкар Ола, СССР Воружённый Вийын 70-ше идалыкше лӱмеш урем, 20-шо №-ан пӧрт, тел/факс (8362) 45-43-72, 45-11-88, 45-11-28, e-mail kugarnya@mari-el.ru дене, кылым кучен кертыда. Подпискымат ышташ темлена 2014 ийын икымше пелийжылан подписке мучашлалтын  гынат кажне тылзын 15 числа марте почтыш каен возалташ лиеш. Тендан деке газет вес тылзе гыч мияш тӱҥалеш. 2014 ийын кокымшо пелийжылан подписке апрельыште тӱҥалеш.