Ӱшнур школ марий шӱлыш дене ила…

Самырык мурызо — Алена Таныгина!

Кызытсе саманыште этносым вияҥдымаш шотышто шуко паша ышталтеш. Марий калыкат шеҥгелан огеш код. Теве Ӱшнур кыдалаш школат шке кертмыж семын марий калыклан шке шочмо йылмым йӧраташ, марий йӱлам да йылмым сайын палаш, марий койыш дене илаш туныктен шога.
Школын пашажым ончалаш гын, Ӱшнур школ ынде шуко жап марий школ-влак коклаште ончыл верым налын шога. Кеҥежым школышто «Изи мӧр пеледыш» лӱман йоча-влаклан пӧлеклалтше пеледыш пайрем эртен. Тиде пайремлан негызым школ вуйлатыше Галкин Валерий Федорович пыштен. Школ эре у да оҥай пашам ыштен шога, теве шукерте огыл школышто «Шӧртньӧ шыже» лӱман муро конкурс-программе да «Марий Party» каныме кас эртыш. 
«Тиде конкурс-программе икмыняр ий ончыч мемнан школыштына йӱлашке пурен ыле, но икмыняр амаллан кӧра пайремым эртарымаш мондалтме гай лие, а тиде ийын конкурслан у вийым пуаш кумыл лекте. Тиде шонымашым школын чолга тунемшыже-влак дене каҥашен улына, тунемшыже-влак тиде мероприятийым эртараш кумылан лийыныт, чыла пашам нуно шуктен шогеныт,» — каласкала Ӱшнур школ вуйлатыше Валерий Федорович Галкин.
Кажне класс конкурс кечылан мурым ямдылен. «Конкурслан кыртмен ямдылалтын улына. Ик еҥат ӧрдыжыш кодын огыл,» — ойла школын президентше Алёна Таныгина. «Конкурсын сценарийжым лач муро-влаклан эҥертен возен улына,» — ешара программын сценаристше да вӱдышыжӧ Николай Любимов.

«Шӧртьнӧ шыже» лӱман муро конкурс 22 ноябрьыште эртыш. Чыланат марий мурым йоҥгалтарышт. Мотор марий тувырым чиен шогалше да сылне мурым йоҥгалтарыше кажне конкурсантым ончышо-влак рӱжге совым кырен вашлийыныт. Конкурсышто сеҥыше-влакым кум тӱшкалан пайленыт: изирак, кыдалаш да кугурак ийготан-влак. Изирак ийготан-влак коклаште икымше верым Ангелина Горохова налын, кыдалаш-влак коклаште икымше верыш Анастасия Беляева ден Анна Мамашева лектыч, да кугурак ийготан-влак коклаште икымше верым Татьяна Беляева да Николай Любимов пайленыт.

Тиде кечынак, кастене «Марий Party» каныме кас эртен. «Тиде касым эртараш школын тунемшыже Николай Любимов темлен да шке йолташыже-влак дене эртарен,» — каласкала Валерий Федорович.
«Марий дискотеке олаштат, районлаштат лиедат, а молан тыглай марий дискотекым школышто тунемше-влаклан эртараш огыл? Вет марий койышлан кугурак еҥым кумылаҥдаш йӧсӧ, а школышто самырык-влаклан шыҥдараш жапыштыже кӱлеш. Сандене, тыгай этнодискотекым эртараш кумыл лектын. Валерий Федорович дене каҥашымек, ме шонымашышке шуын улына, марий дискотекым эртаренна. Калыкым тынарже вученат огынал, Юмылан тау, еҥ-влак шукын погыненыт, иктат ӧпкелалтын огыл,» — ойла этнодискотекын организаторжо Николай Любимов.
«Марий Party» кас кум шагатат пеле шуйнен, тидын годымак палемдыме шуэш: этнодискотекышке чыланат яра пуреныт. Организатор-влак каслан нимынярат шийвундым погеныт огытыл. «Тыглай этнодискотекым эртараш кӱлеш, марий кас куан шӱлышым кажне еҥлан пурта, кумылым нӧлталеш. Тыгай дискотеке ончыкыжымат эртаралташ тӱҥалыт гын, пеш сай лиеш ыле шонена,» — ойлат касышке толшо калык. Программыште тӱрлӧ сынан марий муро-влак йоҥгеныт, поснак марий такмак-влак почеш уло калык веселан куштен. Палемдыман, школ вуйлатыше да организатор-влак каныше-влак пелен пырля муреныт да куштеныт. Каныме касышке школын 9-11 класслаште тунемше ден туныктышо-влак веле огыл, тыгак Ӱшнур кундемын самырыкшат да илалшыжат ушненыт. Вет марий койыш дене илаш лач школ кумылаҥден шога, моланжым тиде кундемыште ялысе клуб уке.
Тыгерак Ӱшнур школ марий шӱлышлан марий калыкым туныктен да куштен шога.

Автор: Николай Любимов

Реклама
Запись опубликована в рубрике УВЕР! с метками . Добавьте в закладки постоянную ссылку.

8 комментариев на «Ӱшнур школ марий шӱлыш дене ила…»

  1. Читаем правду о Верх-Ушнурской школе по ссылке http://mariuver.wordpress.com/2013/11/25/grjazn-polit/

    • Чимарий тӱня!:

      Станислав, шке шонымашдам луктын каласымыланда пеш кугу таум ойлена да ешарынена марла возаш тыршыза ме вет марий калык улына.

      • Марлаже пеш возена да, Ӱшнур национальный школыштыжо чыланже марла огыт умыло… Не важно на каком языке написано, важно то, о чем написано…

    • Чимарий тӱня!:

      А те шке йочадажым марла кутыраш туныктеда мо?!

      • Ача ава-влак!:

        Ме шкенан йоча-влакнам марла кутыраш туныктенак шогена, а вот марий национальный школышто ала молан директор педсоветым, построениым,собраниым руш йылме дене эртара. Сандене йоча-влак шукыжым рушла гына мутланат. Тыге вет мемнан марий йылмына йоршеш йомын кертеш. Мураш кушташ веле огыл, марлат сайын мутланен моштыман!

      • Чимарий тӱня!:

        Тау!

  2. Вен:

    Акырсаман толын мо? Молан кызыт марий ялыште марла огыт умыло?

    • Чимарий тӱня!:

      Пеш кутырат, мутланат. Станислав Волков да Ача ава-влак! сайтын пайдаланыше-влак тыге шонат. Шкешт марла огыт мутлане докан, сандене тыге шонат.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s